نحذر كافة أفراد الجالية المغربية بأوروبا من سيدة مغربية تقوم بأعمال نصب واحتيال تحت غطاء “الشعوذة والرقية”. تستهدف خصوصاً الناس اللي في وضعية نفسية أو مادية صعبة، وتوهمهم بأنها تملك “قدرات خارقة” لحل مشاكلهم.
📌 كيفاش كتخدم؟
• كتقنع الضحايا بأن عندها “بركة” أو “خدمة مع الجن” قادرة تصلح ليهم مشاكل الزواج، الرزق، الحسد، وحتى الأوراق.
• كتشترط عليهم يشريو منها براسليات وحجابات بثمن يفوق 80 يورو، وكتقول ليهم أنهم “مقرّنين” ولا “مربوطين” ولا “محسودين”.
• كتحرضهم على القطيعة مع عائلاتهم أو أزواجهم، وكتعزلهم باش يتحكّمات فيهم أكثر.
• بعض الضحايا تعرضو لمشاكل صحية خطيرة، من بينها فقدان البصر المؤقت أو الدائم، بسبب مواد غير معروفة كانت كتعطيهم.
🚨 هاد السيدة ماشي راقية، ماشي معالجة، وماشي إنسانة صالحة.
راها نصابة محترفة كتحترف استغلال ضعف الناس وسرقة فلوسهم باسم الدين والروحانيات.
✋ إلى كنتي ضحية، أو كتعرف شي حد طاح فالفخ:
• تواصل مع الشرطة المحلية أو الهيئات المختصة فبلد الإقامة.
• جمع أي دليل عندك: رسائل، تسجيلات، حوالات مالية، صور…
• شارك تجربتك باش تحمي الناس الآخرين من نفس المصير.
🙏 الله سبحانه وتعالى ما أمرنا نمشيو عند نصابين، ولا نعلقو مصيرنا ببراسلي ولا طقوس. الإيمان الحقيقي كيجي من العقل والتوكل على الله، ماشي من استغلال اليأس
