ها علاش كيهاجمو الصحافة الرياضية وممثليها
همهم الوحيد هو السطو عليها بأي طريقة وبأي وسيلة
خانتهم الشجاعة باش ايسميو الأشياء بمسمياتها بخصوص موضوع الاعتمادات ديال الألعاب الأولمبية وبداو في التشيار في كل الاتجاهات
ومافيها باس نفضحو الجبن ديالهم والتضليل ديالهم
اللي خص التوضيح ديالو في البداية أن الاعتمادات ديال الأولمبياد قليلة العدد وعلى حساب المصادر ديالنا العدد ديالها محصور في أقل من عشرة اللي خصاتهم السيو أي اللجنة الأولمبية الدولية للكنوم أي اللجنة الأولمبية المغربية لتغطية أولمبياد باريس
واللي خص التوضيح ديالو في هذا الباب أن هذه الاعتمادات كتعطى قبل موعد الألعاب بسنتين وكتوزعهم الكنوم على ممثلي الصحافة الرياضية بتوصية من السيو.. واخا الطريقة ديال التوزيع فيها نقاش
أما حكاية كورونا ودورة طوكيو فخصها حتى هي توضيح
علاش؟
حيت الاعتمادات حسب المصادر ديالنا تعطات وتحسم في أمرها قبل سنة 2020 أي قبل وباء كورونا بسنتين
دخلنا عليكم بالله دابا شكون اللي كيقلب على السياحة والفرفشة والاستجمام والكرمومة وتهراس الكيسان ديال حياتي ومهووس بهم واش الثلاثي اللي كيهاجم الشيوخ والمتقاعدين أوباغي انصب نفسو وصي على الصحافة الرياضية ضدا على قوانين وتوجهات السيو والفيفا والكاف أو الصحافيين المعتمدين على قلتهم
الثلاثي تورق وتفرش ولاباغي باسم التطفل والاسترزاق والابتزاز ايتحكم في الصحافة الرياضية وبدا كيتوهم أنه قادر بلغة التشيار والرداءة والانحطاط الأخلاقي والفكري ايحقق المخطط ديال جميع الكرمومة من كل الأصناف والأحجام
الله اينجينا من الوباء والغباء ومكر الشياطين
دوزو على خير.
