اقليم سيدي سليمان عطاه الله واحد العامل، سمعته سابقاه من مكناس، والريف، وأكادير، ودابا هو فإقليم سيدي سليمان. تحياتي للسيد المحترم إدريس روبيو.
كذلك دابا مدينة سطات عطاها الله واحد الباشا، الناس كاملين فالمدينة كيشكروه وكيْدعيو معاه.
يا ودي، راه اللي تيخدم، راه تايخدم.
السيد هشام بومهراز، من رئيس دائرة فالعُيون إلى باشا فـنفس المدينة، ودابا باشا فسطات، وربما الطريق ممهّد لمراتب أعلى، ولكل مجتهد نصيب.
واللي تيقلّب على شي حاجة، راه غادي يلقاها: يا هاك، يا هاك.
ما كاين لا بروتوكولات، لا خوف من الكاميرات، حتى داك عون السلطة اللي بغى يمنع مواطن من التصوير، دار فيه وقال ليه: “خليه، اللي بغا يصوّر يصوّر.”
أنك تشوف ممثل للسلطة، وجه من وجوه الداخلية والدولة، بهاد البشاشة والقرب من المواطنين، هادشي هو مفهوم السلطة الجديدة: القرب من المواطن، سماع شكاويه، وحلّها.
شوفو موالين الببوش شحال فرحانين، وكلشي ناشط:
السلطة دايرة خدمتها، مول الببوش مرخّص، المواطن فرحان، الجماعة مدخلا الفلوس، وكلشي رابح.
الحي المحمدي … أنا ما فهمتش آش ناقصها: واش الفلوس؟ (الميزانية؟)
ولا المعقول؟
ولا المسؤول؟
ولا الساكنة؟
نبدلوها ونجيبو ديال سطات؟
الساكنة تناشد باشا منطقة الحي المحمدي عمالة الحي المحمدي عين السبع البيضاء: نريد العمل الميداني 
